Þessar eru hættulega góðar, gott er að bera fram rjóma eða vanilluís með þessum!
Efni:
- 145 gr. smjör (ath! smjör en ekki smjörlíki)
- 1-1/4 bolli sykur
- 3/4 bolli kakó
- 1/2 tsk. kaffi
- 1/4 tsk. salt
- 2 msk. vatn
- 1/2 tsk. vanilludropar
- 2 egg
- 90 gr. hveiti
- 1/4 bolli valhnetur
- 1/4 bolli hvítt súkkulaði, brytjað
Aðferð:
- Hitið ofninn í 180˚ C. Smyrjið form (20x20cm)
- Blandið sykri, kakó, kaffidufti og salti saman.
- Þeytið saman egg, vatn og vanilludropa.
- Bræðið smjörið við miðlungs hita þar til það byrjar að verða brúnt.
- Blandið saman þurrefnum og smjöri, látið kólna.
- Þegar þurrefni og smjör er orðið kalt er eggjablandan sett út í. Hrærið og blandið vel.
- Bætið nú hveitinu út í og blandið vel.
- Blandið nú hnetum og hvíta súkkulaðinu út í og hellið deiginu í formið.
- Bakið í 25-30 mín. Ef þið stingið tannstöngli í miðjuna á kökunni og hann er nærri því þurr þá er kakan mátuleg! Hún á semsagt ekki að vera alveg þurr!
- Kælið áður en kakan er skorin í bita. (sjá mynd)
