Þessi hefur allt sem góð kaka þarf að hafa, Oreo, ostaköku og brownies. Gæti ekki verið girnilegra. Þessi kaka kemur frá
Oreo ostaköku brownies
- 120 gr smjör
- 100 gr sykur
- 2 stór egg
- 200 gr rjómaostur við stofuhita (1x askja Philadelphia)
- 90 gr flórsykur
- 2 tsk vanilludropar
- 110 gr hveiti
- 3 msk bökunarkakó
- ½ tsk salt
- 100 gr suðusúkkulaði (bráðið)
- 12 Oreokökur muldar + um 4 í stærri bita til skrauts
Aðferð
- Hitið ofninn 175°C
- Klæðið ferkantað kökuform (um 22×22 cm) með bökunarpappír og spreyið með PAM matarolíuspreyi.
- Bræðið smjör og bætið sykri saman við, leyfið að sjóða í um mínútu og kælið síðan í nokkrar mínútur á meðan annað er undirbúið.
- Þeytið saman rjómaost, flórsykur og vanilludropa þar til létt og setjið til hliðar.
- Þeytið eggin örstutta stund, bætið smjör- og sykurblöndunni saman við og blandið vel.
- Hrærið hveiti, kakó og salti saman og blandið út í eggjablönduna, hellið bræddu súkkulaðinu saman við og skafið vel niður á milli.
- Að lokum fara muldu Oreokökurnar saman við og gott er að vefja þeim við deigið í lokin.
- Setjið helminginn af brownie deiginu í botninn á forminu og sléttið úr.
- Hellið því næst rjómaostablöndunni yfir og sléttið úr.
- Setjið restina af brownie deiginu yfir en nú í litlum skömmtum, skeið hér og þar og takið að lokum prjón og dragið í gegn til að skapa smá marmaraáferð. Myljið 4 Oreokökur gróft og stingið hér og þar.
- Bakið í um 25 mínútur eða þar til prjónn kemur út með smá brúnni kökumylsnu en ekki blautu deigi.
- Kælið alveg, lyftið upp úr forminu og skerið í bita.
Smellið endilega like-i á Gotterí og gersemar á Facebook.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
