Þessi réttur er algert æði og ekki mjög dýr.
500 gr Nautahakk
1 Egg
2 mtsk Brauðrasp
1 Laukur niðursneiddur smátt
100 gr rifin ostur ( ég set alltaf meira en það)
Salt og pipar
Smjörklípa til að steikja upp úr
1 Rjómi
Takið hráefninn og setjið í skál hrærið öllu vel saman og mótið bollur. Steikið bollurnar upp úr smjöri og þegar orðnar steiktar þá hellið rjóma yfir og látið suðuna koma upp.
Þá eru komnar ostabollur í rjómasósu.
Rosa gott með grjónum og fersku salati.
Á þessu heimili er þetta uppáhalds svo hér er yfirleitt gerð tvöföld uppskrift.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
