Ok. Förum AÐEINS yfir þetta. Allir og þá meina ég allir … kúka. En það er ekki sama hvar í veröldinni við erum niðurkomin! Einmitt, gott fólk. Engar tvær þjóðir kúka á sambærilega vegu.
Nei, því er einmitt öfugt farið. Hver einasta þjóð hefur sín sérkenni. Þar er blessaður kúkurinn engin undantekning á.
Þannig eru indversk lestarsalerni útbúin holu. Sem nær niður úr lestinni. Og á teinana. Svo fólk lætur bara gossa … og hér er komin fullgild ástæða þess að enginn heilvita maður ætti nokkru sinni að láta sér detta til hugar að trítla eftir yfirgefnum lestarteinum. Aldrei. Þú hefur enga hugmynd um hvaða kúkur hefur flögrað niður gegnum tíðina.
Sjá einnig: Fyrir elskhugann: Ljúffengir súkkulaðirassar sem bráðna í munni
Þjóðverjar eru öllu … nákvæmari. Í Þýskalandi má oft sjá salerni með örlítilli syllu. Þetta er gert svo kúkurinn hafni nægilega sýnilega í skálinni svo hægt sé að skoða kúkinn … og þannig greina blóð í hægðum eða aðra óværu á þægilegan og áreynslulausan máta.
Sjá einnig: Misstir þú símann í klósettið? Svona bjargar þú honum ef það er hægt! – Myndband
Bandarískir þjóðgarðar? Fara fram á að gestir taki með sér kúkapoka fyrir manneskjur. Jâ, það eru ekki bara hundarnir, gott fólk, sem þurfa að gera hægðir sínar í þar til gerða poka. Nei, manneskjurnar sem þramma um bandaríska þjóðgarða hafa ekkert leyfi til að kúka úti í guðsgrænni náttúrunni … þess í stað er gestum uppálagt að taka kúkapoka, sem útbúnir eru sótthreinsiefni … og hirða með sér. Hreinn þjóðgarður – fagur þjóðgarður.
Þá eru það Japanar, sem státa af hátækniklósettum …
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
