Þessi svakalega girnilega uppskrift kemur frá systrunum Tobbu og Stínu sem halda úti síðunni Eldhússystur.
Það er langt síðan fyrstu auglýsingar um jólatónleika fóru á stjá, Ikea er byrjað með smákökubakstur og ég er farin að spá í jólabakstrinum. Ég ætla þess vegna að leyfa mér að setja inn uppskrift af ristuðu möndlunum sem ég gerði nokkrum sinnum síðustu jól en uppskriftin náði ekki alla leið inn á bloggið. Uppskriftin kemur þess vegna núna fyrir þá sem vilja taka smá forskot á sæluna og búa til smá jólalegt nammi ?
Ristaðar möndlur með kanil (v)
1/2 bolli vatn
1 bolli sykur
2 bollar möndlur
1 msk kanill
Blandið saman sykrinum, vatninu og kanilnum á pönnu og stillið á miðlungs hita. Þegar blandan nær suðu er möndlunum bætt út í. Hrærið vel í möndlunum og látið allan vökvan gufa upp. Möndlurnar eru þá orðnar húðaðar í kanilsírópi þegar allt er tilbúið. Það verður að hræra vel og vandlega í möndlunum svo þær brenni ekki við, þetta tekur um það bil korter. Hellið möndlunum á bökunarpappír og leyfið þeim að kólna.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
