Tveir rússneskir frumkvöðlar á unglingsaldri hljóta að hafa slegið heimsmet í fífldirfsku nú meðan hitabylgjan gekk yfir heimsbyggðina í sumar sem leið, en þeir umbreyttu stofunni heima hjá sér í sundlaug. Það er rétt: Þeir breyttu stofunni í S-U-N-D-L-A-U-G.
Ljósmyndir af uppátækinu hafa flögrað um samskiptamiðlana undanfarna sólarhringa, en fréttin birtist upprunalega á miðlinum Moscow Times og sýnir hvernig drengirnir (brjálæðingarnir) plastklæddu alla stofuna, fóðruðu innstungur og dældu svo vatninu í heilu tonnatali inn í herbergið sem er plastklætt, teipað og varið upp á miðja veggi. Og fullt af vatni.
Á vef Moscow Times segir einfaldlega:
Drengirnir, sem eru frá Oryol héraðinu sem liggur um 350 kílómetra suðvestur af Moskvu, fengu sig fullsadda af mollunni þegar hitinn fór upp fyrir 30 stiga hita á Celcius og virtust algerlega ómeðvitaðir um hversu óvenjulegt það þykir að umbreyta heilli stofu í innanhúss sundlaug. Þeir virtust afslappaðir og rólyndir þar sem þeir pósuðu fyrir ljósmyndirnar í návist rafmagnsinnstungna, gluggatjalda og ljósakrónu.
Ekki er enn ljóst á þessari stundu hvernig drengirnir hyggjast tæma vatnið úr herberginu úr sundlaugastofunni svonefndu, eða hvort húseigandinn sjálfur gaf leyfi sitt fyrir þessari frumlegu lausn á sumarhitanum.
Nóg um það, hér er ljósmyndaröðin sjálf sem sýnir fífldirfsku drengjanna sem breyttu stofunni í sundlaug:
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
