Þessi uppskrift er alveg fullkomin fyrir þá sem langar í sörur (með marsípani í stað möndlubotna) en leggja ekki í dútlið og vilja fá hámarskgott fyrir lágsmarksvinnu. Þær kunna þetta alveg hjá Eldhússystrum.
Sænskar sörur í ofnskúffu
500 gr marsípan
1 dl sykur
2 eggjahvítur
300 gr smjör
3 dl flórsykur
200 gr dajm, saxað smátt.
1 tsk vanillusykur
2 eggjarauður
200 gr mjólkursúkkulaði
Rífið marsípanið. Blandið saman við sykur og eggjahvítu ( t.d. í hrærivél). Setjið bökunarpappír í ofnplötu (ég notaði aðeins minna form, ca. 25×35 cm) og setjið botninn á plötuna. Best er að nota fingurna, bleyta þá vel og þrýsta deiginu út í deigið. Bakið við 175°c í 15 – 20 mínútur, þar til botninn er orðinn gullinbrúnn.
Þeytið smjörið með flórsykrinum, daíminu, vanillusykrinum og eggjarauðunum þar til kremið er slétt og fellt. Smyrjið smjörkreminu á botninn þegar hann hefur kólnað. Setjið í kæli eða frysti í ca. klst.
Bræðið súkkulaðið á vægum hita. Setjið súkkulaðið ofan á smjökremið, svo það hylji kökuna. Geymið í kæli eða frysti.
Ath að best er að skera kökuna í bita þegar hún hefur verið tekin úr frysti, en henni verið leyft að standa í smá stund (annars er hætt við því að súkkulaðið brotni).
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
