Leikkonuna Elvu Ósk Ólafsdóttir þekkja flestir og er hún hefur leikið í fjölda kvikmynda og leikrita. Hún er um þessar mundir að leika í Borgarleikhúsinu og við fengum að „yfirheyra“ Elvu aðeins um hennar hagi.
Fullt nafn: Elva Ósk Ólafsdóttir
Aldur: Er alveg að detta í fimmtugt
Hjúskaparstaða: á kærasta.
Atvinna: Leikari
…
Hvað ertu að gera þessa dagana? Er að leika í leikritinu “Ferjunni” i Borgarleikhúsinu.
Hver var fyrsta atvinna þín? Ætli það hafi ekki verið þegar ég og vinkona mín ákváðum að gella þorskhausa í Vestmannaeyjum og selja í hús. Pabbi smíðaði gelluvagn og við fengum ágætis laun fyrir gellurnar man ég.
Mannstu eftir einhverju ákveðnu tískuslysi frá unglingsárunum? Mér fannst ég alltaf svo fín – ég reyndar klæddi mig eftir veðri og man eftir mér sem ungling í borgarferð. Það var rigning svo ég fór að sjálfsögðu í stígvél og fann að það var ekki alveg að falla í kramið hjá tískustelpunum í Reykjavík – ætli það hafi ekki verið tískuslys.
Áttu leyndarmál sem mun fylgja þér til grafar? Nei.
Hefurðu farið hundóánægð úr klippingu og sagt ekki neitt við klipparann? Já, en það er ansi langt síðan.
Kíkirðu í baðskápana hjá fólki sem þú ert í heimsókn hjá? Nei – til hvers í ósköpunum?
Vandræðalegasta atvik sem þú hefur lent í? úff…..þau eru of mörg til að telja upp hér.
Í hvernig klæðnaði líður þér best? í heimafötunum sem eru leggings og bolur.
Hefurðu komplexa? Nei ekki lengur – er komin yfir þá.
Hver er besta setning eða orðtak sem þú hefur heyrt? Hver dagur er dýrmætur – njóttu lífsins meðan það varir.
Vefsíðan sem þú skoðar oftast? facebook
Seinasta sms sem þú fékkst? Viltu hringja í mig.
Hundur eða köttur? Köttur
Ertu ástfangin? Já
Hefurðu brotið lög? Já – keyrt inn einstefnugötu.
Hefurðu grátið í brúðkaupi? Já, alltaf
Hvernig sérðu þig fyrir þér þegar þú ert komin á eftirlaun? Hugsa ekki svo langt
Ein gömul og góð af þessari flottu konu!
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
