Shia LeBouf leikur í mynd Lars Von Trier, Nymphomaniac og hann segir frá því að hann hafi þurft að hafa fyrir því að fá þetta hlutverk:
[quote]Ég sendi leikstjóranum myndbandsupptöku af mér og kærustunni minni þar sem við erum að stunda kynlíf og þannig fékk ég hlutverkið. Ég veit ekki alveg hvernig mitt hlutverk í myndinni verður en það mun koma í ljós þegar ég mæti á staðinn. Ég veit að hann er hættulegur leikstjóri og við erum að fara að gera eitthvað öðruvísi, þetta verður engin venjuleg mynd.[/quote]
Ekki er alveg komið á hreint hvers konar mynd Nymphomaniac verður en hún hefur verið kölluð „klámmynd“ af sumum fjölmiðlum en framleiðendur myndarinnar segja það meira vera í kaldhæðni en kaldhæðni eigi það jú til að skila sér illa í fjölmiðlum. Samt hefur líka verið talað um það að það verði alvöru kynlíf stundað í þessari mynd svo maður gæti spurt sig hvar línan er milli þess að gera klámmynd eða mynd með „alvöru kynlífi“.
