Það verður allt vitlaust þegar þessi er í matinn hjá mér og það er alveg öruggt að allir ungarnir mínir mæta í mat ef þeir frétta af þessum í bígerð!
Uppskrift:
5 stk kjúklingabringur
1 púrrulaukur
2 hvítlauksrif söxuð
1 kjúklingateningur
4 – 5 msk sweet chilli sósa
( má nota sweet and sour og aðrar chilli sósu og blanda saman )
2 dósir sýrður rjómi
1 lítil dós rjómaostur, 125 gr
1 dl rifinn ostur
salt og pipar
Sjá meira: Súper einfaldur kjúklingaréttur frá Röggu
Aðferð:
Bringurnar skornar í bita, púrrulaukurinn skorinn smátt og hvítlauksrif söxuð.
Kjúklingurinn er kryddaður með salti og pipar og steiktur upp úr smá smjöri, settur svo í eldfast mót.
Laukur steiktur þar til mjúkur, kjúklingatening bætt útí og sweet chilli sósunni. Látið malla saman.
Sýrðum rjóma og rjómaosti bætt útí ásamt smá vatni ef þarf. Látið malla smá stund, þessu er svo helt yfir kjúklinginn og rifinn ostur settur yfir.
Bakað við 200 gráður í 15 mín
Gott að bera fram með hrísgrjónum og góðu salati.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
