Þessi sjúklega girnilega og gómsæta ostakaka kemur af sælkerablogginu hennar Erlu Guðmunds. Þessi kaka er algjört hnossgæti og mæli ég eindregið með dálitlum bakstri á þessum fallega laugardegi. Eins mæli ég með því að þú smellir einu ,,like” á bloggið hennar Erlu á Facebook – þá fer enginn uppskrift frá henni framhjá þér.
Sjá einnig: Rice Krispies kubbar með Oreo & hvítu súkkulaði
Ostakaka með Mars & Rice Krispies
Botn:
80 gr smjörlíki
100 gr suðusúkkulaði
1 lítið stykki Mars
3 msk sýróp
150 gr Rice Krispies
- Þessu er öllu blandað saman við vægan hita í potti.
- Ég set alltaf bökunarpappír ofan i formið til þess að auðvelda mér að losa botninn frá og til þess að fá kantinn á botninn þá þrýsti ég Rice Krispies-inu lítilega til hliðar.
Ostakaka:
220 gr rjómaostur
250 ml rjómi (þeyttur)
2 lítil stykki Mars
1 tsk vanillusykur
- Þeytið rjómann og setjið til hliðar.
- Hrærið rjómaostinn vel, blandið síðan rjómanum saman við og hrærið þar til þetta er orðið vel blandað saman.
- Bætið síðan við vanillusykrinum.
- Bræðið Marssúkkulaðið við vægan hita í potti með smá rjóma út í. Kælið þetta síðan í skamma stund áður en þið bætið saman við ostablönduna.
- Ofan á bræddi ég eitt lítið mars með smá rjóma og skvetti yfir kökuna. Skar einnig niður nokkur jarðaber og 2 lítil Marsstykki fyrir skreytingar.
Sjá einnig: Ljúffeng og einföld Rice Krispies kaka
Verði ykkur að góðu & góða helgi!
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
