Skólahjúkrunarfræðingur í ónefndum skóla á höfuðborgarsvæðinu skoðar kynfæri barna án vitundar foreldra. Dóttir mín var sú eina sem var skoðuð og gaf hjúkrunarfræðingurinn upp þá skýringu að það hafi verið til þess að athuga hvort að hún væri með einhverju sýkingu því hana hafði klæjað. Dóttir mín var átta ára.
Mér finnst hann hafa brotið starfsreglur og finnst þetta bara allt í lagi. Mér líður illa yfir því að hafa hana í skólanum og vildi helst að hún færi úr skólanum. Ég hef talað við yfirlækni á heilsugæslustöðinni og yfirhjúkrunarkonu þar og þeim fannst ekkert að þessu. Ég skil ekki svona skilaboð enda finnst mér og öllum þeim sem ég hef talað við (þ.e.a.s. fjölskylda og vinir) finnst þetta ekki rétt. Það á engin að skoða kynfæri barna án vitundar foreldra, þannig er það bara.
Í raun veit ég ekkert hvert ég á að snúa mér í þessu máli og ef ég hef reynt að tala við einhverja eins og þegar ég fór á fund með hjúkku og lækninum þá var ég hökkuð í spað. Mér leið eins og í ljónagryfju og ég bara grét og grét. Þetta var bara alveg hræðilegur fundur og óska ég ekki neinum að lenda í svona fundi. Þau reyndu að segja að ég væri að dæma hana sem „pedofil“ sem er jú auðvelt að gera í þessu máli og var það eins og ég væri sek. Ég náði nánast ekkert að svara fyrir mig og grét bara þangað til ég bað um að fá að fara heim (þó ég hafi óskað eftir fundinum).
Mig langar að vekja upp þetta mál, því ég vil ómögulega að aðrir foreldrar lendi í þessu, en maður veit í raun ekkert hvort það hafi verið fleiri sem hafa lent í þessu, því ég í raun komst óvart að þessu, þegar það datt upp úr dóttur minni. Ég vil bara að hún víki úr starfi og finni sér eitthvað annað að gera, því þetta finnst mér ekki í lagi, þar að auki ófullnægjandi vinnubrögð hennar á öðrum málum.
ATH. Þessi grein er aðsend. Í Þjóðarsálinni getur fólk sent inn greinar, nafnlaust. Skoðanir sem að birtast í innsendu efni endurspegla ekki skoðanir Hún.is
