Ummmm….. Fékk þessa um daginn hjá henni Röggu mágkonu og ég er að segja ykkur hún er unaður í munni!!
Uppskrift:
1 pakki Holmblest súkkulaðikex
1 peli rjómi
1 stór dós vanilluskyr (500 gr. )
1 krukka kirsuberjasulta
Aðferð:
Kexið mulið niður, gott að setja kex í poka og rúlla yfir með kökukefli. Mylsnan er svo sett í botnin á formi.
Rjómi þeyttur og skyrinu blandað varlega saman við þeyttan rjóman svo dreift yfir kexmylsnuna.
Að lokum er kirsuberjasultu dreift yfir skyrblönduna.
Látið standa í ísskáp í nokkra tíma áður en boðið er uppá dýrðina.
Sjá meira: Kaffikaka
Að sjálfsögðu er uppskriftin í bókinni hennar Röggu minnar.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
