Matarlyst bíður hér uppá dásamlegan Snakkfiskrétt með kryddaðri kokteil sósu sem á vel við, við öll tækifæri rétturin er afar bragðgóður og ljúffengur. Kíkið á facebooksíðu hennar og like-ið.
Nr.1
1 kg fiskur ýsa eða þorskur, roðlaus og beinlaus
dass salt og pipar ca 1 tsk af hvoru
Olía
Blandið saman hveiti,salti og pipar. Skerið fiskinn í bita veltið upp úr hveitiblöndunni. Setjið olíu á pönnu snöggsteikið fiskinn rétt til að loka honum í örskamma stund á hverri hlið. Leggið í eldfast form.
Mér finnst gott að smyrja formið að innan með olíu áður en rétturinn er settur í.
Nr.2
Rjóma bland
1 rauð paprikka skorin smátt
1 gul paprikka skorin smátt
1 laukur skorin smátt
1/2 dós ananas í bitum.
3 dl rjómi
1 dl ananassafi
Allt sett saman í pott hitað að suðu, lækkið hitann og látið krauma í 10 mín.
Nr.3
Krydduð kokteil sósa
6 msk mæjónes, vel fullar skeiðar
6 msk tómatsósa, vel fullar skeiðar
1 tsk salt
1 1/2 tsk karrý
3 1/2 tsk heitt pizza krydd frá pottagöldrum
Öllu hrært saman.
Nr 4
Það sem fer ofaná
1 poki mozzarella ostur
1 poki papriku snakk mulið
Aðferð
Fiskur í eldfast form
Hellið papriku, ananas rjómasósunni yfir fiskinn
Því næst er krydduðu kokteil sósunni smurt yfir
1 poka af mozzarella osti dreift yfir.
1 poka af papriku snakki er mulinn niður í lokin og dreift yfir.
Hitið ofninn í 180 gráður
Setjið inn í heitan ofninn í 25 mín.
Berið fram með grjónum, fersku salati eða bara því sem hugurinn girnist.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
