Þeir sem hafa smakkað Carbonara vita að það er ofsalega gott!
Hér kemur uppskrift frá Röggu mágkonu.
Uppskrift:
300 gr spaghetti
1 peli rjómi
1 stk laukur
200 gr beikon
1/2 camembert
matarolía
salt
Aðferð:
Spaghetti soðið samkvæmt leiðbeiningum á pakka,vatninu helt af og soðið spaghetti sett í skál.
Laukur og beikon saxað smátt og steikt á pönnu í olíu. Þegar það hefur brúnast létt á pönnunni er rjómanum helt út í og camembertinum látið sjóða saman.
Loks er sósunni helt yfir spaghettiið og öllu blandað vel saman.
sjá einnig: https://www.hun.is/fylltar-beikondodlur/
Gott að bera fram með hvítlauksbrauði og Parmesanosti og ofur fallegt að strá steinselju yfir.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
