Ef fleiri karlmenn bara stigu skrefið. Pöntuðu tíma á snyrtistofu, klæddu sig úr buxunum … og leggðust á bekkinn. Ekki í þeim tilgangi að verða snyrtilegri í kjallaranum, heldur einfaldlega til að skilja hvað það er sem konur ganga í gegnum á nokkurra vikna fresti … þær sem leggja í vaxið.
Að ekki sé minnst á það brasilíska.
Hér má sjá hræðilega hlægilega syrpu sem sýnir hvað gerist þegar karlmenn gera einmitt það; ganga inn á snyrtistofu, leggjast á bekk snyrtifræðings og gefa allt eftir í þeim eina tilgangi að fletta ofan af þeim leyndardómi sem brasilískt vax felur í sér.
Eins og snyrtifræðingurinn sjálfur segir; næst þegar þú ferð fram á það við kærustuna þína að hún trítli í vax … skaltu segja henni að þú komir með. Hafir bókað tíma og að þið getið bæði farið gegnum upplifunina á sama tíma.
Hugguleg uppástunga, ekki satt?
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
