Samkvæmt fréttum á DV slasaðist ung telpa þegar hún féll aftur fyrir sig af eldhúsbekk og á uppþvottavél sem þar stóð opin í gærkvöldi. Hún féll á hníf sem stóð í hnífaparastandi með þeim afleiðlingum að hnífurinn stakkst í vinstra herðablað telpunnar.
Samkvæmt upplýsingum DV missti stúlkan mikið blóð auk þess sem lunga hennar féll að auki saman. Hún er þó ekki í lífshættu og er á Landspítalanum í Reykjavík á gjörgæslu.
Stúlkan sem er 10 ára, var á heimili sínu í Grímsnesi þegar slysið varð. Henni var ekið til móts við sjúkrabíl sem kom frá Reykjavík. Hann flutti hana síðan til Reykjavíkur til aðhlynningar.
Það er gott að nota þetta tækifæri og minna fólk á að fara varlega með hnífa og láta þá ekki í hnífaparagrindina með blaðið upp.
