Þessi kaka er svo girnileg að það hálfa væri nóg. Hún kemur frá Matarlyst og við mælum með því að þið prófið þessa uppskrift! Svo góð!
Hráefni
3 ¼ dl hveiti
¾ dl kakó
½ tsk lyftiduft
¼ tsk matarsódi
120 g smjör við stofuhita
2 ½ dl sykur
3 egg stór
1 dós sýrður rjómi
1 tsk vanilludropar
Aðferð
Hitið ofninn í 180 gráður og blástur
Smjör og sykur sett saman í hrærivélaskálina þeytið þar til létt og ljóst tekur u.þ.b 3 mín, bætið einu eggi í einu út í þeytið vel á milli, sýrðum rjóma og vanilludropum er bætt út í hrærivélaskálina hrærið örlítið saman, blandið þurrefnum saman bætið út í, vinnið saman í u.þ.b.½-1 mín.
Setjið í hringlaga smelluform u.þ.b 22 cm bakið við 180 gráður og blástur í u.þ.b 30 mín fer eftir ofnum, stingið prjón ofaní til að kanna hvort hún sé bökuð, ef hann kemur nánast þurr upp er kakan tilbúin.
Látið botninn kólna áður en frosting kremið er sett á.
Frosting
200 g sykur
1 1/4 dl vatn
4 eggjahvítur
1 msk sýróp gott að nota þetta í grænu dósinni Lyle’s golden syrop.
2-4 tsk piparmyntudropar smakkið til.
Aðferð
Sykur og vatn er sett saman í pott, kveikið undir á meðalhita, sykurlögurinn er hitaður í 120° tekur ca 20-30 mín jafnvel lengur, þar til hann fer að þykkna. Eggjahvíturnar eru stífþeyttar. Hellið sykurleginum í mjórri bunu út í hvíturnar þeytið á meðan, setjið svo strax sírópið og piparmynntudropa út í. Þeytið áfram um stund eða þar til kólnar það tekur smá tíma þið finnið það á hrærivélaskálinni, setjið strax á kökuna.
Súkkulaðibráð
150 g suðusúkkulaði brætt yfir vatnsbaði,
1 væn tsk kókosolía bætið út í súkkulaðið hrærið þar til samlagast.
Kælið lítillega með því að láta það standa á borði um stund.
Hellið yfir kökuna, sléttið úr.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
