Ljósmyndin af hungruðu fegurðardísinni sem ofurölvi eftir eigin brúðkaupsveislu, slagaði upp að Taco Bell og pantaði sér skyndibita ásamt eiginmanni sínum hefur farið eins og eldur um Reddit undanfarna daga, en rúmir 1.600.000 notenda hafa þegar deilt myndinni alræmdu.
Samkvæmt því sem fylgdi sögunni var Taco Bell staðsett við hliðina á hótelinu þar sem nýbökuð brúðhjónin eyddu nóttinni, en það var brúðguminn sjálfur sem deildi myndinni á Reddit með orðunum:
„Hér er konan mín ofurölvi að reyna að leggja inn pöntun á Taco Bell eftir brúðkaupsveisluna okkar”
Burt séð frá því hvort slík hegðun fellur undir siðsamt atferli á sjálfa brúðkaupsnóttina verður að segjast sem er; sú kona sem getur slagað tignarlega að skyndibitalúgu og borið sig eins og hefðarmær fær tíu í okkar bókum.
Hér má svo sjá hina lánsömu brúður allsgáða og í fullum brúðarskrúða á stóra daginn, stuttu áður en kampavínsdrykkjan fór úr böndunum með fyrrgreindum afleiðingum:
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
