Svandís Ásta varð fyrir hræðilegri og tilefnislausri árás á laugardagskvöld en hún var kýld í andlitið á Laugarveginum um klukkan hálfellefu um kvöldið. Höggið sem hún varð fyrir var það þungt að Svandís rotaðist samstundis og sá ekki þann sem veitti höggið.
Þegar atvikið átti sér stað var Svandís stödd á Mónakó á Laugarveginum og á leið út í port til þess að reykja.
„Lögreglan kom ekki á vettvang en það komu sjúkraflutningamenn af því að ég var rotuð,“ sagði Svandís í samtali við Hún.is. „Það blæddi mikið úr mér á gangstéttina og ég er líka tognuð á öxlinni því ég hef lent á henni við fallið,“ sagði hún en einnig er önnur framtönn hennar brotin og varir sprungnar.
„Mér finnst erfiðast að framtönnin mín hafi brotnað og ég lít hræðilega út og mun ekki geta brosað næstu mánuði.
Svandís leitar nú eftir vitnum að árásinni en hún ætlar sér að kæra til lögreglu. Ef einhver hefur upplýsingar um árásarmanninn er best að koma þeim til lögreglu í síma 444 1000.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
