Á heimasíðunni Allskonar er að finna mjög margar góðar uppskriftir og við rákumst á þessa þarna inni.
Til að útbúa þennan rétt þarftu dágóðan tíma.
Brauðið þarf að hefast vel og kjötið þarf að malla í ofninum í nokkra klukkutíma.
Þetta er algerlega fyrirhafnarinnar virði og seður svöngustu maga.
Brauðbollu uppskriftina finnurðu hér.
Uppskriftin er fyrir 6.
Svínaloka
KJÖT
- 1 kg svínahnakki
- 3 msk ólífuolía
- 2 tsk salt
- 2 tsk svartur pipar, nýmalaður
- 2 tsk reykt paprikuduft, sætt
SÓSA
- 2 dl tómatsósa
- 2 msk púðursykur
- 2 msk hvítvínsedik
- 4 msk sojasósa
- 2 msk Worchestershire sósa
- 1 tsk reykt paprikuduft, sætt
Undirbúningur: 10 mínútur
Eldunartími: 3 klst
Hitaðu ofninn í 160°C.
Taktu svínakjötið og helttu ólífuolíunni yfir það og nuddaðu salti, pipar og papriku vel inn í kjötið. Settu í eldfast mót og lokaðu því með álpappír, eða í ofnpott með loki.
Settu í ofninn og steiktu í 3 klst eða þar til kjötið dettur í sundur.
Taktu þá kjötið út og rífðu það í sundur með gaffli.
Búðu til sósuna; settu allt hráefnið í pott og láttu malla í um 10 mínútur.
Helltu sósunni yfir kjötið.
Berðu fram með hamborgarabrauði, stökku hrásalati, fersku grænmeti og kartöflubátum.
Endilega smellið einu like-i á
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
