Ég elska svínalundir, já mér finnst þær æði.
Þessi uppskrift er algert nammi og kemur frá henni Röggu mágkonu og meistarakokki, þessi er úr fyrri bókinni hennar Rögguréttir.
Uppskrift:
2 svínalundir
1 box sveppir
2 tómatar
Aðferð:
Svínalundir skornar niður í bita og steiktar á pönnu.
( ekki alveg gegnumsteikt) settar svo í eldfast mót.
Sveppir steiktir og tómatar sneiddir. Raðað yfir lundirnar í eldfasta mótinu.
Sjá meira:Ostabollur í rjómasósu
Sósa:
1 piparostur
1 peli rjómi
1 nautakraftsteningur
Rifin ostur eftir smekk
Aðferð:
Mallað saman í potti við vægan hita þar til orðið sósukennt.
Sósunni hellt yfir lundirnar og allt bakað í ofni í ca 20 mínútur við 200 gráður.
Sjá meira: Parmesan kartöflur
Mæli með því að baka kartöflur og skella í gott salat með þessu.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
