Góð djúpnæring gefur hárinu nauðsynlega næringu til að viðhalda heilbrigði þess og gefur fallegt glansandi útlit. Til að ná sem bestum árangri er mikilvægt að nota djúpnæringuna á réttan máta.
Svona á að gera:
Notaðu djúpnæringu með reglulegu millibili til að halda hárinu mjúku, koma í veg fyrir klofna hárenda og viðhalda lengd. Sumum hentar að nota djúpnæringu á 3 til 4 daga fresti, á meðan öðrum hentar að nota hana á 2 vikna fresti. Finndu út hvað hentar þér með því að byrja á vikulegri notkun, ef hárið virðist of flatt skaltu draga úr notkun, en ef það er of þurrt prófaðu að nota næringuna tvisvar í viku.
Ef þú hitar djúpnæringuna upp í 35 gráður þá nærðu fram aukinni virkni og hárið verður ennþá mýkra og sterkara. Best er að hita hana upp með því að stinga brúsanum í heitt vatn frekar en að nota örbylgjuofn. Notaðu hitamæli til að mæla hversu heit hún verður.
Byrjaðu á að bera djúpnæringu á hárendana og endaðu á því að bera í hársvörðinn. Endarnir þurfa helst á næringunni að halda þar sem þeir geta verið þurrir og með þessum hætti fá þeir aðeins lengri tíma til að sjúga í sig alla næringuna.
Svona á ekki að gera:
Ekki sofa með djúpnæringu í hárinu yfir nótt. Hún á að virka hratt og örugglega og ætti ekki að vera í hárinu í meira en 20 til 30 mínútur. Ekki nota hana heldur eins og „leave-in-conditioner“ sem þarf ekki að skola úr hárinu. Ef hún er of lengi í hárinu þá getur hárið orðið slappt og erfiðara að meðhöndla það.
Greinin birtist fyrst í amk, fylgiblaði Fréttatímans
