Oftar en ekki er þolendum kennt um að hafa gert eitthvað til að réttlæta ofbeldið sem átti sér stað og í mjög mörgum tilvikum eru þolendurnir spurðir í hverju þeir voru. Eins og það gæti verið ástæðan fyrir því að ofbeldið átti sér stað.
EF ,,ögrandi” klæðnaður væri í alvöru vandamálið værum við ekki að sjá mál þar sem að börn verða fyrir grófu ofbeldi, eða voru þau kannski óvart að ögra með druslulegum fatnaði? – NEI.
Til að leiðrétta þann miskilning um að kynferðislegt ofbeldi og hugmyndina um þolendaskömm var sett upp sýning í Brussel með fötum þolenda.
Fötin voru öll fengin að láni frá stuðningshópi fyrir þolendur sem að kallast CAW East Brabant.
,,Það sem að maður sér strax þegar að maður labbar hér um er að þetta eru allt bara mjög venjuleg föt eins og flestir ganga í” segir Lieshbeth Kennes starfsmaður og ráðgjafi hjá CAW.
Anna Karen er tveggja barna móðir búsett í höfuðborginni. Hún er mikill húmoristi og elskar allt sem má kalla „tabú“.
Anna er mjög ofvirk og gleymin en er með hjartað um það bil á réttum stað. Jákvæðni og gleði er það sem hún vill deila til allra þeirra sem lesa greinarnar hennar ásamt því að markmið hennar er að taka þátt í að stuðla að bættri líkamsímynd og betra sjálfstrausti í samfélaginu.
„Að sýna hlýju, þolinmæði og skilning er með því dýrmætasta sem við getum gefið. En aðeins ef við getum gefið okkur það sjálf“- AKS
