Jared Leto er heldur betur að bæta á sig vöðvum þessa dagana fyrir hlutverk sitt í myndinni Suicide Squad. Hann tók þessa mynd af sér og skellti á Instagram í gær í þessum líka fína Superman-bol.
Jared lét hafa það eftir sér um daginn að hann ætti mjög erfitt með að þyngjast en hann hefur þurft að borða á tveggja tíma fresti til þess að gera sig tilbúinn fyrir hlutverk sitt sem The Joker.
Jared hefur oft gengið í gegnum miklar breytingar á líkama sínum fyrir hlutverk í bíómynd en árið 2000 þurfti Jared að svelta sig fyrir hlutverk sitt sem eiturlyfjaneytandi í myndinni Requiem for a Dream. Árið 2007 þyngdi hann sig um 27 kg fyrir myndina Chapter 27 og svo létti hann sig um tæp 14 kg fyrir bíómyndina Dallas Buyers Club.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
