#thighreading er æði sem byrjaði að koma upp á yfirborðið eftir ofurmódelið Chrissy Teigen sýndi alheiminum slitförin sín í tilefni mikillar vitundarvakningu um líkamsímyndir. #thighreading eða læralestur sýnir myndir af lærum kvenna, hvort sem þær eru að mynda slitför, marbletti eða ör. Vakningin hjálpar konum um víða veröld að sýna samkennd og samstöðu gegn óraunhæfu útliti og útlitsdýrkun sem margir kalla “eðlilegt”. Það er enginn einstaklingur til á þessari jörð sem er ekki með einhvern galla, svo fullkominn líkami er í raun „óeðlilegur“ líkami þegar yfir heildina er litið.
Óöryggi: Margar konur tala um að lærin á þeim séu þeirra versta eign og skammast sín fyrir þau.
Slitför eru eðlileg á mannslíkamanum: Margar ástæður geta verið fyrir slitförum. Algengt er að konur fái slitför á eða eftir meðgöngu, en slitför verða þegar húðin teygist meira en hún hefur góða getu til en stundum er talið að hormónar koma einnig við sögu.
Sjá einnig: GOTT MÚV: Chrissy Teigen opinberar slitförin ófeimin á Instagram
Slitför eru eðlilegur hlutur á mannslíkamanum og þau eru ekkert til að skammast sín fyrir. Til eru lausnir sem minnka slitför, sé þess mikil þörf, en það er ekki nauðsynlegt er að skilja það að slitför gera þig að þeirri manneskju sem þú ert. Þau sýna að þú hafir lifað lífinu til fullnustu.
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
