Ég viðurkenni það fúslega að mér finnst gott að borða og það er einstaklega gaman að fara eitthvað út að borða. Nýir staðir eru mjög spennandi og ég fór á stað um daginn sem ég hafði ekki farið á áður. Þessi staður heitir Íslenski Barinn og hann er einn af skemmtilegustu stöðum sem ég hef borðað á. Ég er rosalegur þjóðernissinni í mér og mér finnst gaman að vera frá Íslandi og er stolt af landi okkar og þjóð og þess vegna hafði ég alveg sérstaklega gaman að Íslenska Barnum.
Það voru púðar á staðnum sem voru með þessari mynd og það eru örugglega flestir sem þekkja einhvern sem á svona mynd í ramma uppi á vegg. Er það ekki rétt hjá mér?
Forréttakrukkurnar voru rosalega girnilegar og innihaldið var dýrðlegt!
Andrúmsloftið á staðnum var rosalega gott og þetta var allt saman ofsalega notalegt. Réttirnir á staðnum voru allir frekar þjóðlegir og skemmtilegir. Til dæmis var hægt að fá pylsubrauð með allskonar mat á milli, humar eða lambakjöt og bernaise og það má alveg segja að þetta hafi runnið ljúflega niður og gott betur en það.
Maturinn á Íslenska Barnum er skemmtilega borin fram og hægt var að sjá íslenskt þjóðfélag í mörgum þeirra.
Það er hægt að fá allskyns þjóðlega rétti á Íslenska Barnum og smakk af hinu ýmsa góðgæti, eins og hákarl, flatkökur með hangikjöti og brennivín.
Það var margt um manninn á staðnum þetta kvöld og margir ferðamenn voru þar á meðal og óborganlegt að sjá fólk smakka þessa framandi rétti. Eftir dásamlegt kvöld, með fulla maga fórum við sáttar og glaðar út í kvöldið.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
