Þessi ofureinfalda og bragðgóða uppskrift frá Ljúfmeti og Lekkerheit er æðisleg.
Hér má í raun nota hvaða fisk sem er en sjálf er ég hrifnust af því að nota þorskinn. Fiskstykkin eru pensluð með majónesi sem festir snakkið við fiskinn, sem er síðan kryddaður með salti og pipar áður en mulið snakkið er sett yfir hann. Snakkið gefur fiskinum stökkan og bragðmikinn hjúp. Einfalt, fljótlegt og stórgott!
Sjá einnig: fiskurGratineraður fiskur á hrísgrjónabeði
Þorskur með snakkhjúpi
þorskur (eða annar fiskur)
majónes
salt og pipar
snakk með salti og ediki (það stendur salt and vinegar á pokanum)
Sjá einnig: Saltfiskur með mangó chutney – Einfaldur og góður
Hitið ofninn í 200°. Þerrið fiskinn og leggið á bökunarplötu sem hefur verið klædd með bökunarpappír. Penslið majónesi yfir fiskinn, kryddið með salti og pipar, og setjið síðan mulið snakkið yfir. Þrýstið aðeins á snakkið svo það festist betur við fiskinn. Setjið í ofninn í um ca 12-15 mínútur, passið að ofelda ekki fiskinn.
Ljúfmeti og lekkertheit á Facebook
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
