Áttan er skemmtiþáttur á sjónvarpsstöðinni Bravo, en Áttuna skipta þeir Egill Ploder Ottósson, Róbert Úlfarsson og Nökkvi Fjalar Orrason. „Við fengum það tækifæri í sumar að vera með vikulegan þátt í sumar á sjónvarpsstöðinni Bravo og við þáðum það,“ segir Nökkvi í samtali við Hún.is. Drengirnir voru í 12:00 í Verslunarskólanum og gerðu þar skemmtiþætti. Þeir náðu mikilli útbreiðslu og þar á meðal utan skólans og eftir það fengur þeir samning hjá 365 miðlum.
„Við erum núna á fullu að vinna í tilboðum sem við höfum fengið eftir sumarið og ætlum að halda áfram með þessa þætti í vetur með kannski smá breyttu sniði, en við munum halda okkar vinsælustu liðum áfram,“ segir Nökkvi. „Það verður mjög spennandi að sjá hvernig þetta verður í vetur. En það Áttan mun halda áfram og byrja sýningar á þættinum aftur í lok september.“
Hér er lagið þeirra Wunderbar sem var frumsýnt í lokaþætti fyrstu seríunnar af Áttunni.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
