Ef ætlunin er að ferðast til Thailands í sumar – skaltu fyrir alla muni ekki taka sjálfsmynd af eigin brjóstum og deila á Instagram. Slíkt athæfi varðar við thailensk lög og varðar fimm ára fangelsisdómi.
.
Underboobs selfie – argasti dónaskapur sem getur stofnað þjóðaröryggi í hætttu
Þetta er dagsatt – en thailenska herstjórnin gaf út opinbera yfirlýsingu sl. mánudag þar sem þarlendum konum er harðbannað að deila „underboobs selfie” eins og undirbrjóstamyndir eru kallaðar – á samskiptamiðlum, á grundvelli almannaheilla og beinu broti á upplýsingatæknilögum landsins.
.
Fimm ára fangelsisdómur liggur við deilingu þessarar ljósmyndar … í Thailandi
Undarlegt nokk, en „underboobs selfies” eru nýjasta æðið á Instagram og samskiptamiðlarnir hreinlega loga af þrýstnum konubrjóstum af öllum stærðum og gerðum. Thailand fer fremst í flokki þeirra landsvæða sem leggur blátt bann við slíkum dónaskap og segir herstjórnin slíka léttúð “stefna öryggi landsins í hættu og geta hrint óeirðum af stað” og jafnvel “brjóta á upplýsingatæknilögum”.
.
Talsmaður menntamálaráðherra segir flókið ferli að bera kennsl á eigendur brjóstamynda
Þó viðurkenndi Anandha Chouchoti, talsmaður menntamálaráðherra , í viðtali við fréttaveitu Reuters sem sl. mánudag gaf út opinbera yfirlýsingu þess efnis að undirbrjóstasjálfur á Instagram væru ekki einungis bannaðar, heldur varði fangelsisvist – að erfitt gæti orðið að bera kennsl á brotlegar konur.
Já, vandinn er sá að þegar konur eru að taka þessar undirbrjóstamyndir er engin leið að sjá andlitið á þeim. Svo þetta er bara þannig – enginn veit hvaða kona á brjóstin og þess vegna leiðast æ fleiri konur út í sjálfumyndir af eigin undirbrjóstum. Þetta er leiður faraldur, en við getum ekkert aðhafst annað en að vara almenning við. Deilingar ljósmynda af eigin undirbrjóstum á samskiptamiðlum er hættulegur leikur.
Því er nokkuð ljóst að thailenskir lögreglumenn munu hafa í nægu að snúast á komandi mánuðum – þar sem erfitt ef ekki ógerlegt er að bera kennsl á þarlenda brjóstaþrjóta sem deila andlitslausum undirbrjóstasjálfum á Instagram – nema ef vera skyldi að klæða eigi konur úr að ofan við ákvörðun sakfellingar.
Reuters greindi frá
Tengdar greinar:
Hún skartar stærstu brjóstum í heimi og leitar að ástinni – ekki fyrir MJÖG viðkvæma
5 lykilatriði: Svona vilja konur láta gæla við brjóstin á sér
Húðflúraðar konur sýna allt! – Myndir
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
