Jenny Fry var aðeins 15 ára gömul þegar hún framdi sjálfsmorð í júní á þessu ári. Foreldrar Jenny segja að það hafi verið af völdum WiFi sem er í skólanum sem hún gekk í og segja þau hana hafa þjáðst af ofurnæmi á rafmagn (electro-hypersensiviti/EHS).
Sjá einnig: Skaðar þráðlaus nettenging börn? Myndband
Jenny hafði þjáðst mikið vegna nettengingar í kennslustofu sinni og telja foreldrar hennar að það hafi leitt til svo mikillar vanlíðan hjá henni að hún hafi að lokum ákveðið að taka sitt eigið líf. Þau vinna nú hart að því að koma í veg fyrir að þráðlaus nettenging sé notuð í skólastofum.
Þau áhrif sem rafmagnið hafði á Jenny voru höfuðverkur, stanslaus þreyta og vandamál með þvagblöðruna. Bæði hún og móðir hennar höfðu fundið fyrir undarlegum einkennum árið 2012 og las móðir hennar sér til um að WiFi gæti verið að valda kvillum þeirra, svo hún tók þá ákvörðun um fjarlæga það af heimili þeirra og byrjaði þeim að líða mun betur. Stuttu síðar fór Jenny að forðast þau svæði í skólanum þar sem mestu rafbylgjurnar voru að finna og jafnvel fara úr skólastofu sinni og leita sér að svæðum sem voru ekki eins slæm að hennar mati, sem síðan leiddi til þess að hún þurfti að sæta eftisetu í skólanum.
Sjá einnig: Margvísleg áhrif síþreytu: Ástandið getur orðið mjög slæmt
Stúlkunni leið mjög illa í skólanum og sendi tvö skilaboð í síma vinkonu sinnar morguninn sem hún lét verða að því að taka líf sitt, meðal annars til að segja henni hvar hún væri stödd, en því miður var vinkona hennar ekki með símann sinn á sér.
Sjá einnig: Er skaðlegt fyrir lítil börn að nota Ipad tímunum saman?
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
