Skemmtikrafturinn Todrick Hall, sem einhverjir þekkja úr þáttunum American Idol – gerði sér lítið fyrir og setti saman atriði sem spannar ÖLL útgefin lög stórsöngkonunnar á fjórum mínútum. 72 poppsmellir á 4 mínútum og allt flutt af Todrick í stórskemmtilegu myndbandi.
Sjá einnig: Heaven (4) er pínulítil Beyoncé eftirherma og svalasti krakki heims!
Metnaðarfullt framtakið tók heila 4 tíma að taka upp, Todrick er fjórfaldur í myndbandinu en sjálft myndbandið spannar heilar fjórar mínútur, allt frá Me, Myself & I og til Video Phone. Magnað hjá stráknum, sem segir í kynningartexta á YouTube:
Það tók nákvæmlega fjórar heilar tökur að fullkomna samsetninguna; fjögur sett af flutningi texta og dansspora (en myndbandið var tekið upp á á fjögurra klukkutíma skeiði) og spannar nákvæmlega fjórar mínútur að lengd. Lukkutalan hennar Beyoncé er jú talan 4 og það yrði auðvitað alveg frábært ef myndbandið fengi 4 milljónir í áhorf á næstu 4 dögum. Ég er svo spenntur að deila þessu með Beyoncé aðdáendum um allan heim!
Reyndar hefur drengurinn ekki fengið 4 milljónir flettinga enn .. en myndbandið er dásamlegt og flutningurinn frábær.
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
