Við birtum á mánudaginn myndbandið sem fjöldamorðinginn Elliot Rodger skildi eftir sig, en hann birti þetta myndband á Youtube, 24 klst áður en hann myrti 6 manns og svo sjálfan sig strax á eftir.
Miklar umræður hafa verið í fjölmiðlum í Bandaríkjunum um það hvort hafi verið hægt að sjá einhver merki þess að Elliot myndi, einn daginn, springa svona.
Faðir Elliot, leikstjórinn Peter Rodger sótti um skilnað frá móður hans árið 1999, þegar Elliot var 7 ára gamall. Í skilnaðarpappírum stendur að Elliot sé barn með miklar sérþarfir, ofvirkur og með einhverfu. Peter hafði samt sínar efasemdir um greininguna og segir í pappírum að hann hafi fengið móður drengsins til þess að fara með drenginn til annars læknis til að fá greiningu. Ekki kemur fram hvað kom út úr því mati.
Hinn 22 ára gamli Elliot heyrði líka raddir en hann ólst upp við það að vera í einkaskólum, með barnfóstrur og var sífellt á ferðalögum til Evrópu og Asíu. Þegar faðir hans giftist aftur, eftir skilnað við móður hans, líkaði honum aldrei við stjúpmóður sína og seinustu dagana var hann að plana að myrða hana líka.
Elliot átti að vera á geðlyfjum en hafði aldrei fengist til að taka þau og hafði ekki hitt geðlækni í meira en 2 ár þegar hann framdi ódæðið.
Í dagbókinni hans sem telur yfir 140 bls kemur fram hversu lasinn Elliot var og hvernig hann var með það, að missa sveindóminn, á heilanum.
Hér er svo öll dagbókin í heild sinni:
