Svefnvana nætur, ofvirk börn – úrvinda foreldrar. Kannast einhver við stöðuna? Allir foreldrar, ekki satt? Sjálf hef ég eytt nær óteljandi andvökunóttum með sprellandi frískt barn i fanginu. Með rauðsprungin augu – skjálfandi á fótum – meðan sonur minn, glaðhlakkanlegur á svip hefur hjalað í vöggunni.
Sjá einnig: Fimm frábærar Android viðbætur fyrir svefnvana foreldra
Eftir á að hyggja skil ég eiginlega ekki hvers vegna mér hefur aldrei dottið til hugar að svæfa barnið mitt á þessa vegu. Kannski myndbandið hér að neðan sé vel dulbúin auglýsing fyrir eitthvað ilmklútafyrirtækið – innantómt loforð sem hljóðar upp á tryggan nætursvefn ef bara foreldrarnir kaupa rándýra vasaklúta og dúmpa framan í andlit barna sinna.
Sjá einnig: Svefn ungbarna – Erfðir ráða mestu um hvort ungbörn sofi alla nóttina
En kannski, bara kannski – er um heimatilbúið ráð að ræða – hugvitsama uppfinningu örþreyttrar móður sem með blíðu og lagni einni saman, tók upp á því að sveifla drifhvítum vasaklút – örþunnum og léttum (sennilega angandi af vanillu og kamillu í ofanálag) yfir andlit barns. Í þeim tilgangi að fá barnið til að sofna.
Hefur þú reynslu af vasaklútabragðinu? Láttu okkur vita!
https://youtu.be/OjQbSvBC1RU
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
