Verkjastillandi rjómaís: Vinnur á túrverkjum!

Megi allar góðar vættir gefa að umbúðirnar sem hér má sjá og eru ætlaðar til að geyma rjómaís fyrir konur sem þjakaðar af túrverkjum, leita huggunar í sætindum, komi á markað bráðlega.

.

.

Stúlkan sem á heiðurinn að hönnuninni heitir Parker Jones, veitti Buzzfeed góðfúslega viðtal vegna uppátækisins og er að ljúka hönnunarnámi við háskóla nokkurn í Oklahoma.

.

Sjá einnig: Vandræðalegar umbúðir í verslunum

.

Hugmyndin að ísumbúðum kom frá ágætum prófessor við skólann, en það var ég sem útfærði hugmyndina og kom að lokum niður á rjómaís fyrir konur sem þjakaðar af fyrirtíðaspennu og tíðaverkjum. Að velja réttu slagorðin fyrir hverja tegund var heljarinnar höfuðverkur en hafðist að lokum.

.

Sjá einnig: 10 leiðir til að losna við fyrirtíðaspennu

.

Því miður er rjómaísinn ekki kominn á almennan markað – umbúðirnar eru hugmynd ein – en snilldin er slík að fréttamiðlar hafa þegar bitið á agnið og skólaverkefni Parker er komið á flug.

Nei, ég veit í alvöru ekkert um ísframleiðslu. En ef einhver vill stíga skrefinu lengra og hrinda litla ísbrandaranum mínum i framkvæmd – er ég boðin og búin til að kasta mér í málið. Ég meina, hver þráir ekki að borða ís allan daginn – neih, ég meina auðvitað framleiða ís allan daginn – og hafa hönnun að lifibrauði um leið?

.

Parker heldur úti vefsíðu þar sem má sjá og skoða önnur verk stúlkunnar, sem heldur brátt í atvinnuleit að loknu námi – en sjálf segist hún vonast til þess að hreppa starf í grafískri hönnun.

Ég hef verið að dunda mér við bullumbúðir fyrir uppskálduð fyrirtæki í skólanum – en vonandi verð ég fær um að nota húmor til að hanna umbúðir fyrir raunverulega vöruflokka sem enda í frystihólfum stórverslana innan tíðar.

Við hér á ritstjórn bíðum þess að draumur Parker rætist – við viljum ís sem er ætlaður konum!