Jamie Lynn Spears, yngri systir Britney Spears, kann að vera fögur ásýndar og fæstir myndu reikna með að hún gæti snúið niður fullvaxta karlmann, hvað þá drepið áflog tveggja fílelfdra fola í fæðingu. Stúlkan sú kallar þó ekki allt ömmu sína og lét sig ekki muna um að:
A ) Stíga á milli tveggja fullvaxinna karla sem lentu í áflogum vegna vinkonu hennar
B ) Koma stúlkunni sem lenti á milli karlanna fumlaust í öruggt skjól
C ) Draga upp flugbeittan samlokuhníf og stöðva slagsmálin með myndrænu poti
Atvikið náðist á öryggismyndavélar en Jamie Lynn, sem á sex ára gamalt barn sjálf, var stödd á samlokubúllunni Pita Pit í Hammond, Louisiana fyrir u.þ.b. mánuði síðan þegar áflog brutust út við borðið meðan gestir gæddu sér grunlausir á samlokum.
Jamie Lynn gerði sér lítið fyrir þegar körlunum við borðið lenti skyndilega saman með þeim ömurlegu afleiðingum að hörkuslagsmál brutust út; reif í vinkonu sína og fjarlægði hana samstundis úr aðstæðunum – gekk því næst yfirveguð bak við veitingaborðið og varð sér úti um risavaxinn og flugbeittan hníf.
Því næst gekk Jamie Lynn óhrædd beint að körlunum sem flugust á, sveiflaði hnífnum af ákefð og myndugheitum (án þess að fara neinum að voða) og STÖÐVAÐI slagsmálin með handabendingum og myndrænu hnífapoti einu saman.
Myndbandið var frumsýnt á vef TMZ fyrr í dag og má sjá hér – hættulegur leikur hjá stúlkunni:
Tengdar greinar:
Britney Spears með tælandi undirfatalínu á markað
Hlustaðu á Britney Spears án „auto-tune“
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
