Lenny Kravitz er sennilega einn af svalari feðrum veraldar og ber aldurinn gríðarlega vel – en oftlega vill gleymast að maðurinn á tvítuga dóttur, sem var ekki á sama máli og aðdáendur hans eftir frammistöðu kyntáknsins á sviði meðan á hálfleik Ofurskálarinnar stóð fyrir skemmstu.
Þannig birti Zoë þessa ljósmynd af föður sínum á sviði … og sendi honum um leið fingurinn á Instagram fyrir það eitt að sýna kynferðislega tilburði á sviði meðan á atriði þeirra Katy Perry stóð:
Ljósmyndin hefur fengið talsverða athygli á Instagram og ekki eru allir að tengja við brandarann – en svo virðist sem þau feðgin hafi þó verið að bregða á leik – og að fjölskyldan hafi afar fágað skopskyn – því Zoë, sem fylgdi Lenny föður sínum á Ofurskálina þar sem hann tróð eftirminnilega upp í hálfleik, birti líka þetta myndband á Instagram … sem sýnir föður hennar reyna að selja ólöglega miða á stórviðburðinn:
Zoë er einkadóttir Lenny og Lisu Bonet, leikkonu en hún hefur sjálf látið til sín taka í tónlistinni og gaf þannig út sína alfyrstu breiðskífu á síðasta ári. Hér má þannig heyra fyrstu smáskífuna sem kom út af fyrstu breiðskífu Zoë – hér með A$AP Rocky:
Tengdar greinar:
Instagram dagsins: Lenny Kravitz lagar vínyl
A Man’s Story: A$AP Rocky fetar í fótspor Salvatore Ferragamo
Lenny Kravitz og trefillinn…
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
